სამოქალაქო აქტივისტი სალომე სიმონია:
22 წლის ნია მჭედლიშვილმა, გივი, გიორგი ქართველიშვილმა და ლევან ყურაშვილმა დღეს დაარეგისტრირეს ორგანიზაცია: “ეროვნული თაობა”.
სიმბოლურია, რომ იურიდიული მისამართი მოსკოვის გამზირია.
წესდებაში უწერიათ, საზოგადოების ცნობიერებას ავამაღლებთ – ენის, კულტურის, ისტორიის, რწმენის მიმართულებითო. განსაკუთრებული სწორება ახალგაზრდებზე აქვთ.
ანუ ე.ი. ცოტნე ივანიშვილი რა შეკრებებზეც დადის ხოლმე, ეგ და ვარლამ ლიპარტელიანი უვარგისები გამოდგნენ და მათ ფუნქციებსა და მოვალეობებს, აწი ჩვენ მივხედავთო.
ოღონდ: ძალადობით, მუშტით, კრივით, თავ-პირის დალეწვით და მუქარებითო.
ნიამ, გივიმ და ლევანმა, ჩვენს ახალგაზრდობას ესენი უნდა ასწავლონ და გაანათლონ: 
„ქართული ენის, კულტურის, ისტორიის, ეროვნული თვითმყოფადობისა და მართლმადიდებლური კულტურული მემკვიდრეობის შესახებ საზოგადოების ცნობიერების ამაღლება;საქართველოს ისტორიაში, კულტურაში, მეცნიერებაში, ხელოვნებაში, სარწმუნოებასა და სახელმწიფოებრივი დამოუკიდებლობის განმტკიცებაში მნიშვნელოვანი წვლილის მქონე მოღვაწეთა მემკვიდრეობის დაცვა, პოპულარიზაცია და მომავალი თაობებისთვის გაცნობა;ახალგაზრდებში პატრიოტიზმის, სამოქალაქო პასუხისმგებლობის, ეროვნული თვითშეგნების, ისტორიისა და კულტურის ცოდნის გაღრმავების ხელშეწყობა;ოჯახური, კულტურული და ეროვნული ღირებულებების დაცვისა და განვითარების ხელშეწყობა საქართველოს კონსტიტუციისა და მოქმედი კანონმდებლობის ფარგლებში;მშვიდობიანი, კანონიერი და დემოკრატიული გზებით იმ ინიციატივებისა და პროცესების მხარდაჭერა, რომლებიც ემსახურება საქართველოს ეროვნული ინტერესების, სახელმწიფოებრივი დამოუკიდებლობისა და სუვერენიტეტის განმტკიცებას;მოქალაქეთა აქტიური ჩართულობის, მოხალისეობისა და საზოგადოებრივი თვითორგანიზების ხელშეწყობა ეროვნული, კულტურული და საზოგადოებრივი ინტერესების დაცვის მიზნით;ორგანიზაციის მიზნების მისაღწევად სხვადასხვა საგანმანათლებლო და საზოგადოებრივი აქტივობის ორგანიზება;თანამშრომლობა საქართველოსა და უცხოეთში მოქმედ ფიზიკურ და იურიდიულ პირებთან, რომელთა საქმიანობა შეესაბამება ორგანიზაციის მიზნებს და ემსახურება საქართველოს ეროვნული, კულტურული და საზოგადოებრივი ინტერესების განვითარებას” – წერია წესდებაში.