რეგიონული პოლიტიკის საკითხებში სახელმწიფო მინისტრის თანამდებობა აღარ შეიქმნება

პარლამენტის თავმჯდომარის, შალვა პაპუაშვილის ინფორმაციით, რეგიონული პოლიტიკის საკითხებში სახელმწიფო მინისტრის თანამდებობა აღარ შეიქმნება. ამასთან, მიმდინარეობს მსჯელობა რეგიონული განვითარებისა და ინფრასტრუქტურის სამინისტროების გაერთიანების შესახებ. პაპუაშვილის განცხადებით, მთავრობის სტრუქტურულ ცვლილებებზე პარლამენტი მომდევნო სასესიო კვირაში იმსჯელებს. „გაუქმდება სამართალდამცავი ორგანოების კოორდინაციის ფუნქციის მქონე სახელმწიფო მინისტრის პოსტი, არ შეიქმნება რეგიონული მიმართულებით კოორდინაციის პოსტი. მსჯელობა მიდის და სავარაუდოდ, მოხდება რეგიონული განვითარების სამინისტროსა და ინფრასტრუქტურის სამინისტროს გაერთიანება“, – განაცხადა შალვა პაპუაშვილმა. The post რეგიონული პოლიტიკის საკითხებში სახელმწიფო მინისტრის თანამდებობა აღარ შეიქმნება appeared first on მედიაცენტრი მთავარი - MTAVARI.