რუსეთში გოეთეს ინსტიტუტი დაიხურება – ამის შესახებ რუსეთის საგარეო საქმეთა მინისტრმა, სერგეი ლავროვმა განაცხადა.
“რა თქმა უნდა, ისინი დაიხურება მას შემდეგ, რაც ჩვენი კულტურული ცენტრი გამოაძევეს. წინააღმდეგ შემთხვევაში, საკუთარ თავს პატივს არ ვცემთ. გერმანელებს აქ გოეთეს ინსტიტუტის ფილიალები აქვთ – მოსკოვში, სანქტ-პეტერბურგსა და ეკატერინბურგში“ – განაცხადა ლავროვმა ვლადივოსტოკში გამართულ აღმოსავლეთის ეკონომიკურ ფორუმზე.
რამდენიმე დღის წინ გერმანიამ რუსეთი ოფიციალურად დაადანაშაულა დივერსიის მცდელობაში იმ ინციდენტთან დაკავშირებით, რომელიც ეხებოდა ერთი თვის წინ ლაიფციგის აეროპორტში აღმოჩენილ ასაფეთქებელი ნივთიერებით აღჭურვილ დრონს.
The post რუსეთში გოეთეს ინსტიტუტი დაიხურება appeared first on ODISHINEWS.