7 საბავშვო ბაღში სააღმზრდელო პროცესი შეჩერდა
თბილისის საბავშვო ბაგა-ბაღების მართვის სააგენტოს ცნობით, თბილისის რამდენიმე საჯარო ბაღში რეგისტრირებულ აღსაზრდელს დაუფიქსირდა ცხელება, რიგ შემთხვევებში გულისრევა და ღებინება, რომელთაც მიმართეს სხვადასხვა კლინიკას. უწყების განცხადებით, ეპიდემიოლოგების რეკომენდაციით, კანონმდებლობის შესაბამისად, 7 საჯარო ბაღში, ეპიდემიოლოგიური რისკების დაზღვევის მიზნით, შეჩერდა სააღმზრდელო პროცესი, დანარჩენი 183 ბაღი აგრძელებს ფუნქციონირებას. ,,სააგენტო ყველა შესაბამის უწყებასთან ერთად მათ შორის თბილისის ეპიდემიოლოგიური ზედამხედველობის სამსახურთან, სურსათის ეროვნულ სააგენტოსთან, საქართველოს ფინანსთა სამინისტროს საგამოძიებო სამსახურთან და დაავადებათა კონტროლის ეროვნულ ცენტრთან კოორდინაციით ატარებს ყველა საჭირო ღონისძიებას” -ნათქვამია სააგენტოს მიერ გავრცელებულ ინფორმაციაში. The post 7 საბავშვო ბაღში სააღმზრდელო პროცესი შეჩერდა appeared first on მედიაცენტრი მთავარი - MTAVARI.
პირველწყარო →