კიევში თავდამსხმელთან მოლაპარაკებები 40 წუთი მიმდინარეობდა

ლიკვიდირებულია თავდამსხმელი, რომელმაც დღეს კიევში ქუჩაში გამვლელებს ცეცხლი გაუხსნა. სროლის შემდეგ მამაკაცი სუპერმარკეტში შეიჭრა და მძევლები აიყვანა. პოლიციამ მისი განიარაღება შეძლო. უკრაინის შინაგან საქმეთა მინისტრმა იგორ კლიმენკოს განცხადებით, თავდამსხმელი, რომელმაც ცეცხლი გახსნა მშვიდობიანი მოქალაქეების წინააღმდეგ, ლიკვიდირებულია. თავდამსხმელთან მოლაპარაკებები 40 წუთი მიმდინარეობდა. თავდამსხმელი 1968 წელს დაბადებული უკრაინის მოქალაქეა. მომხდარს უკრაინის პრეზიდენტი გამოეხმაურა. „მან დემიევსკის ქუჩიდან დაიწყო თავისი განზრახვის შესრულება. გზად ოთხი ჩვენი მოქალაქე დახვრიტა, მეხუთე გარდაცვლილი კი მაღაზიაში მძევლად აყვანილი მოქალაქეა, ერთი ადამიანი მოგვიანებით საავადმყოფოში გარდაიცვალა“, – განაცხადა კლიმენკომ. კიევში შეიარაღებული თავდამსხმელი ლიკვიდირებულია The post კიევში თავდამსხმელთან მოლაპარაკებები 40 წუთი მიმდინარეობდა appeared first on მედიაცენტრი მთავარი - MTAVARI.