შინაგან საქმეთა სამინისტროსა და საქართველოს ფინანსთა სამინისტროს შემოსავლების სამსახურის საბაჟო დეპარტამენტის თანამშრომლებმა განსაკუთრებით დიდი ოდენობით ნარკოტიკული საშუალების საქართველოში უკანონოდ შემოტანის ფაქტი აღკვეთეს.
პოლიციამ სასაზღვრო გამშვებ პუნქტზე – სარფის საბაჟო გამშვები პუნქტი – ნარკოდანაშაულის ბრალდებით 1987 წელს დაბადებული რ.ა. დააკავა.
სამართალდამცველებმა პირადი ჩხრეკისას ბრალდებულს ნარკოტიკული საშუალება „ბუპრენორფინის“ შემცველი აბები ამოუღეს.
გამოძიება სისხლის სამართლის კოდექსის 260-ე და 262-ე მუხლებით მიმდინარეობს, რაც 20 წლამდე ან უვადო თავისუფლების აღკვეთას ითვალისწინებს.