ირანის პრეზიდენტი აშშ-ს მოუწოდებს, რომ საზღვაო ბლოკადა მოხსნას

ირანის პრეზიდენტი მასუდ ფეზეშქიანი აშშ-ს მოუწოდებს, რომ საზღვაო ბლოკადა მოხსნას. ირანის სახელმწიფო მედიის ცნობით, ფეზეშქიანმა ამის შესახებ პაკისტანის პრემიერმინისტრ შაჰბაზ შარიფთან სატელეფონო საუბრისას განაცხადა. „ჩვენი მკაფიო რეკომენდაცია შეერთებული შტატებისადმი არის ის, რომ საკითხების გადაჭრისთვის პირობების შესაქმნელად, მან პირველ რიგში უნდა მოხსნას ოპერაციული დაბრკოლებები, მათ შორის ბლოკადა“ – განაცხადა მან. ირანის პრეზიდენტმა დასძინა, რომ ნდობის აღდგენა და მოლაპარაკებებში წინსვლა რთული იქნება, სანამ შეერთებული შტატები ზეწოლას არ შეწყვეტს. The post ირანის პრეზიდენტი აშშ-ს მოუწოდებს, რომ საზღვაო ბლოკადა მოხსნას appeared first on მედიაცენტრი მთავარი - MTAVARI.