„თუ ისინი ამერიკელებს დაემუქრებიან, აფეთქდებიან“ – რუბიო

აშშ-ის სახელმწიფო მდივანმა, მარკო რუბიომ გააფრთხილა ირანი, რომ აშშ ცეცხლს გაუხსნის ნებისმიერ ირანულ ხომალდს, რომელიც საფრთხეს შეუქმნის ამერიკულ გემებს. „თუ ისინი ამერიკელებს დაემუქრებიან, ისინი აფეთქდებიან“, – განუცხადა რუბიომ ჟურნალისტებს პარასკევს, რომში, იტალიის ხელისუფლებისა და ვატიკანის მაღალჩინოსნებთან შეხვედრის შემდეგ. მისი თქმით, აშშ ირანისგან პასუხს პარასკევისთვის ელოდება იმ ურთიერთგაგების მემორანდუმთან დაკავშირებით, რომელიც ომის დასრულებას ისახავს მიზნად. ირანელი ოფიციალური პირები ამჟამად განიხილავენ ერთგვერდიან, 14-პუნქტიან ურთიერთგაგების მემორანდუმს, რომელიც აშშ-ისა და ისრაელის მიერ თებერვალში დაწყებული ორთვიანი ომის დასრულებას აცხადებს. შუამავლების თქმით, ირანულმა მხარემ მათ მიანიშნა, რომ ისინი, სავარაუდოდ, დათანხმდებიან მემორანდუმს, თუმცა გარკვეული ცვლილებებით. The post „თუ ისინი ამერიკელებს დაემუქრებიან, აფეთქდებიან“ – რუბიო appeared first on მედიაცენტრი მთავარი - MTAVARI.