რუსეთის ომის დანაშაულების წინააღმდეგ სპეციალური ტრიბუნალის მხარდამჭერ 36 ქვეყნის სიაში საქართველო ჯერ-ჯერობით არ არის | სიას დასავლური მედია ავრცელებს.
პარასკევის რეზოლუციას ხელი მოაწერეს ანდორამ, ავსტრიამ, ბელგიამ, ხორვატიამ, კვიპროსმა, ჩეხეთის რესპუბლიკამ, დანიამ, ესტონეთმა, ფინეთმა, საფრანგეთმა, გერმანიამ, საბერძნეთმა, ისლანდიამ, ირლანდიამ, იტალიამ, ლატვიამ, ლიხტენშტაინმა, ლიტვამ, ლუქსემბურგმა, მოლდოვის რესპუბლიკამ, მონაკომ, მონტენეგრომ, ნიდერლანდებმა, ნორვეგიამ, პოლონეთმა, პორტუგალიამ, რუმინეთმა, სან-მარინომ, სლოვენიამ, ესპანეთმა, შვედეთმა, შვეიცარიამ, უკრაინამ და გაერთიანებულმა სამეფომ.
ავსტრალია და კოსტა-რიკა ერთადერთი არაევროპული ხელმომწერი ქვეყნები იყვნენ. ინიციატივას მხარი ევროკავშირმაც დაუჭირა, მიუხედავად იმისა, რომ მისმა ოთხმა წევრმა ქვეყანამ – ბულგარეთმა, უნგრეთმა, მალტამ და სლოვაკეთმა – პარასკევის რეზოლუციას ხელი არ მოაწერა. სია კვლავ ღია რჩება სხვა ქვეყნებისთვის, ევროპული იქნება ეს თუ სხვა, რათა შეუერთდნენ ინიციატივას.