„პირველმა არხმა“ მიმდინარე წელს თბილისის მეტროსადგურებში 15 სარეკლამო მასალის განსათავსებად 148 124.25 ლარი, დღგ-ს ჩათვლით, გადაიხადა.
„მაუწყებლობა 1925 წლიდან“ ფარგლებში დაგეგმილი მარკეტინგული აქტივობებისთვის საჭირო მომსახურება საზოგადოებრივმა მაუწყებელმა სარეკლამო კომპანია „ალმასგან“ წელს ორჯერ შეისყიდა. სარეკლამო ბანერების დამზადებასა და 1 თებერვლიდან 1 მაისამდე მეტროსადგურებში განთავსებისთვის არხმა 74 062.17 ლარი გადაიხადა, 8 მაისიდან 8 აგვისტომდე პერიოდისთვის კი – 74 062.08 ლარი.
სახელმწიფო შესყიდვების სააგენტოს ვებგვერდზე გამოქვეყნებული დოკუმენტების მიხედვით, „პირველმა არხმა“ მაუწყებლობის დაწყებიდან 100 წლის იუბილის აღნიშვნასთან დაკავშირებით დაგეგმილი მარკეტინგული აქტივობების ფარგლებში „ალმასთან“ ხელშეკრულება 2025 წლის სექტემბერშიც გააფორმა და გასული წლის 22 სექტემბრიდან 31 დეკემბრის ჩათვლით პერიოდში სარეკლამო მომსახურების შესყიდვაში 94 323.75 ლარი გადაიხადა.საზოგადოებრივი მაუწყებლის 2026 წლის ბიუჯეტი 114 452 364 ლარია, საიდანაც 80 269 771 ლარი სახელმწიფო ასიგნებაა.