სიჩქარის გადაჭარბებისთვის ჯარიმები მცირდება

სიჩქარის გადაჭარბებისთვის ჯარიმები მცირდება. ადმინისტრაციულ სამართალდარღვევათა კოდექსში დაგეგმილი ცვლილებების შესახებ ივანიშვილის დეპუტატმა, ირაკლი კირცხალიამ გამართულ ბრიფინგზე განაცხადა. ცნობისთვის, 2026 წლის პირველი მაისიდან სიჩქარის გადაჭარბებაზე ჯარიმა 50 ლარიდან 100 ლარამდე გაიზარდა. აქედან ორ თვეში კი მისი კვლავ შემცირების გადაწყვეტილება მიიღეს. დაგეგმილი ცვლილებებით: 15-30 კმ/სთ-ით სიჩქარის გადაჭარბებისთვის ჯარიმა ნაცვლად 100 ლარისა, განისაზღვრება 50 ლარით; 30-40 კმ/სთ-ით სიჩქარის გადაჭარბებისთვის რჩება ჯარიმა 100 ლარის ოდენობით; 40-50 კმ/სთ-მდე სიჩქარის გადაჭარბება გამოიწვევს 300 ლარის ნაცვლად 100 ლარით დაჯარიმებას; 50 კმ/სთ-ზე მეტი სიჩქარით გადაჭარბებისთვის შენარჩუნდება 300-ლარიანი სანქცია. The post სიჩქარის გადაჭარბებისთვის ჯარიმები მცირდება appeared first on მედიაცენტრი მთავარი - MTAVARI.