,,ჩვენ დაინტერესებულები ვართ რუსეთთან ურთიერთობების შემდგომი განვითარებით” – ფაშინიანი

„როგორც არჩევნებამდე, ისე არჩევნების შემდეგ, ჩვენ დაინტერესებულები ვართ რუსეთთან ურთიერთობების შემდგომი განვითარებით, ასევე, ევრაზიის ეკონომიკურ კავშირში მონაწილეობით“, – ამის შესახებ სომხეთის პრემიერ-მინისტრმა ნიკოლ ფაშინიანმ ეკატერინბურგში, რუსეთის პრემიერ-მინისტრთან, მიხაილ მიშუსტინთან შეხვედრაზე განაცხადა. მისი თქმით, ბოლო დროს სომხეთსა და რუსეთს შორის რამდენიმე პრობლემური საკითხი წარმოიშვა. „იმედი მაქვს, რომ ამ საკითხებს განვიხილავთ და მოვაგვარებთ. რა თქმა უნდა, ჩვენ კონსტრუქციულ მიდგომას ვუჭერთ მხარს, რომ ეს საკითხები განვიხილოთ“, – აღნიშნა სომხეთის პრემიერ-მინისტრმა. The post ,,ჩვენ დაინტერესებულები ვართ რუსეთთან ურთიერთობების შემდგომი განვითარებით” – ფაშინიანი appeared first on მედიაცენტრი მთავარი - MTAVARI.