ქუთაისში კონსტრუქციის ქვეშ მოყოლილი მუშა გარდაიცვალა – ინფორმაციას “ქუთაისიპოსტი” ავრცელებს.
გარდაცვლილია 30 წლამდე მამაკაცი. მისი ცხედარი მაშველებმა ჩამონგრეული რკინის კონსტრუქციიდან უკვე ამოიყვანეს.
ქუთაისში, იოსელიანის ქუჩაზე კორპუსის მშნებლობის დროს, ბეტონის დასხმისას კონსტრუქცია ცოტა ხნის წინ ჩაინგრა და მუშა მოიყოლა.
“ საშინელი ხმა იყო, ორი მუშა იყო ბეტონის ჩასხმაზე. ერთი გადარჩა და მეორის გამოყვანას ამ დრომდე ცდილოვებენ”, – ამბობენ ადგილზე მყოფები “ქუთაისიპოსტთან.
ადგილზე მობილიზებულია საპატრულო და სასწრაფო დახმარების ბრიგადები.
კორპუსის სამშენებლო სამუშაოებს შპს “გრადუს გრუპ მაუდი” ასრულებს.