პოლიციამ ჯგუფურად, ძალადობით ჩადენილი ძარცვის ბრალდებით ორი ადამიანი დააკავა

პოლიციამ თბილისში წინასწარი შეთანხმებით ჯგუფის მიერ ძალადობით ჩადენილი ძარცვის ბრალდებით ორი ადამიანი დააკავა, მათ შორის, ერთი არასრულწლოვანია. ,,გამოძიებით დადგინდა, რომ ბრალდებულებმა თბილისში ფიზიკური შეურაცხყოფა მიაყენეს ორ მოქალაქეს, ძვირადღირებული მობილური ტელეფონები გასტაცეს და შემთხვევის ადგილიდან მიიმალნენ. ჩატარებული ოპერატიული ღონისძიებისა და საგამოძიებო მოქმედებების შედეგად, სამართალდამცველებმა დანაშაულის ჩამდენი პირები ბრალდებულის სახით დააკავეს” – ნათქვამია შსს-ს მიერ გავრცელებულ ინფორმაციაში. გამოძიება სისხლის სამართლის კოდექსის 178-ე მუხლით მიმდინარეობს, რაც 8 წლამდე ვადით თავისუფლების აღკვეთას ითვალისწინებს. The post პოლიციამ ჯგუფურად, ძალადობით ჩადენილი ძარცვის ბრალდებით ორი ადამიანი დააკავა appeared first on მედიაცენტრი მთავარი - MTAVARI.