“არაფერში ქართველი ერი ისეთი ერთიანი არ არის, როგორც თავისუფლებისთვის ბრძოლაში” – გიგა ლემონჯავა

სააგენტო "პარალელი"
“არაფერში ქართველი ერი ისეთი ერთიანი არ არის, როგორც თავისუფლებისთვის ბრძოლაში” – გიგა ლემონჯავა

“კოალიცია ცვლილებებისთვის” და “დროას” ერთ-ერთ ლიდერი, გიგა ლემონჯავა კონკრეტულ საფრთხეებზე აკეთებს მინიშნებებს და ერის ერთიანობაზე აკეთებს აქცენტს:

“არაფერში ქართველი ერი ისეთი ერთიანი არ არის, როგორც თავისუფლებისთვის ბრძოლაში.

ბიძინასთვის საქართველოს ისტორია მუდმივი მონობის ისტორიაა, ჩვენთვის – თავისუფლებისთვის უწყვეტი ბრძოლის ამბავი.

უკვე ჩანს, რომ რუსეთის დავალებით რეჟიმი საშინელ დივერსიას უმზადებს საქართველოს. უკვე იკვეთება კონტურები, როდის და როგორ აპირებს ივანიშვილი გადამწყვეტი დარტყმა მიაყენოს ჩვენი სამშობლოს ტერიტორიულ მთლიანობას, სუვერენიტეტს და სახელმწიფოებრიობას.

ახლა ჩვენ გვჭირდება უპრეცედენტო ერთიანობა, ხედვა, აქამდე არნახული ბრძოლისუნარიანობა და ორგანიზებულობა. ეს ეხება არა მხოლოდ პარტიებს, არამედ მთელ ერს.

მალე დადგება მომენტი, როცა ჩვენ ყველას ერთად, კიდევ ერთხელ, გვექნება გასაკეთებელი საერთო ეროვნული განაცხადი სახელმწიფოდ არსებობის შესახებ“, – წერს გიგა ლემონჯავა სოციალურ ქსელში.

“არაფერში ქართველი ერი ისეთი ერთიანი არ არის, როგორც თავისუფლებისთვის ბრძოლაში” – გიგა ლემონჯავა
პარალელი