მოლდოვის საჰაერო სივრცე რუსულმა დრონმა დაარღვია

მოლდოვის თავდაცვის სამინისტროს განცხადებით, ქვეყნის საჰაერო სივრცე უკრაინაზე რუსეთის მიერ განხორციელებული თავდასხმის დროს, სავარაუდოდ, „შაჰედის“ ტიპის უპილოტო საფრენმა აპარატმა დაარღვია. უწყების ცნობით, დრონი 03:16 საათზე დაფიქსირდა და მისი გადაადგილება ექვსი წუთის განმავლობაში კონტროლდებოდა. აპარატმა უკრაინიდან მოლდოვის საჰაერო სივრცეში, გაგაუზიის მიმართულებით, სოფელ ეტულიასთან შეაღწია, ხოლო 03:22 საათზე ტერიტორია დატოვა და კვლავ უკრაინის მიმართულებით იმოძრავა. უკრაინაზე რუსეთის მორიგი იერიშის გამო სამხედრო ავიაცია პოლონეთმაც გაააქტიურა. The post მოლდოვის საჰაერო სივრცე რუსულმა დრონმა დაარღვია appeared first on მედიაცენტრი მთავარი - MTAVARI.