,,მაშველები კრივი-რიჰში სავაჭრო ცენტრის ნანგრევების ქვეშ ადამიანებს ეძებენ” – ზელენსკი

უკრაინის პრეზიდენტის ვოლოდიმირ ზელენსკის განცხადებით, მაშველები კრივი-რიჰში, სავაჭრო ცენტრთან, რუსების მიერ განხორციელებული დარტყმების ადგილის ნანგრევებიდან გაწმენდასა და ადამიანების ძებნას განაგრძობენ. მისივე ინფორმაციით, ამ დროისთვის, 9 000 კვადრატული მეტრის ფართობზე ხანძარი ჩამქრალია. სამაშველო ოპერაციებში სახელმწიფო საგანგებო სიტუაციების სამსახურის სპეციალისტები და კინოლოგიური დანაყოფები შვიდი რეგიონიდან მონაწილეობენ. ზელენსკიმ ასევე განაცხადა, რომ რუსეთმა საღამოს და ღამით უკრაინაზე რაკეტებითა და დრონებით იერიშები განახორციელა. კიევში ბალისტიკური რაკეტების დარტყმებმა რკინიგზის ინფრასტრუქტურა დააზიანა, რის შედეგადაც ერთი ადამიანი დაიღუპა და ერთი დაშავდა. უკრაინაში სავაჭრო ცენტრზე თავდასხმას 16 ადამიანი ემსხვერპლა The post ,,მაშველები კრივი-რიჰში სავაჭრო ცენტრის ნანგრევების ქვეშ ადამიანებს ეძებენ” – ზელენსკი appeared first on მედიაცენტრი მთავარი - MTAVARI.