ცნობილია, ვინ არის თუშეთში ავარიის შედეგად გარდაცვლილი ბიჭი

თუშეთში მომხდარი ავტოსაგზაო შემთხვევის შედეგად, 34 წლის სიმონ ხეჩაშვილი გარდაიცვალა. მამაკაცი წარმოშობით ახალციხიდან არის და თუშეთში, ჰესის თანამაშრომელი იყო. ავარია სოფელ ქვემო ომალოში, ვიზიტორთა ცენტრსა და პოლიციას შორის ტერიტორიაზე, ცოტა ხნის წინ, მოხდა. გავრცელებული ინფორმაციით, ,,ტოიოტას“ მარკის ავტომობილი, რომელშიც ხუთი ადამიანი იმყოფებოდა, გზის სავალი ნაწილიდან გადავიდა და რამდენჯერმე ამობრუნდა. შემთხვევის შედეგად მძღოლი, სიმონ ხეჩაშვილი, ადგილზე გარდაიცვალა, ოთხი მგზავრი დაშავდა. დაშავებულებს შორის არის ორი და, რომლებიც ლაგოდეხიდან არიან. ყველა დაშავებულს თელავის რეფერალურ კლინიკაში მკურნალობენ. ექიმების ინფორმაციით, მგზავრებს მრავლობითი დაზიანებები და ქვედა კიდურების მოტეხილობები აქვთ. The post ცნობილია, ვინ არის თუშეთში ავარიის შედეგად გარდაცვლილი ბიჭი appeared first on მედიაცენტრი მთავარი - MTAVARI.