საქართველოს აეროპორტების გაერთიანება „გემო ფესტს“ ტრადიციულად უერთდება და წელს ფესტივალში მესტიის აეროპორტიით არის წარმოდგენილი. ღონისძიების მთავარი პარტნიორია საქართველოს ტურიზმის ეროვნული ადმინისტრაცია.
გაზრდილი ინტერესის გამო, მესტიის მიმართულებით დაინიშნა 5 დამატებითი ავიარეისი ნატახტარი–მესტიისა და მესტია–ნატახტარის მიმართულებით, რაც რეგულარულ ფრენებს დაემატება.
გენერალური დირექტორის, ლევან მოსეშვილის განცხადებით, გადაწყვეტილება რეგიონში ტურისტული ნაკადების ზრდასა და მესტიის, როგორც ტურისტული მიმართულების, გაძლიერებას ემსახურება.
21-22 თებერვალს მესტიის ცენტრში გამართული „გემო ფესტი“ სტუმრებს სვანური კულინარიის ტრადიციულ და თანამედროვე ინტერპრეტაციებს შესთავაზებს. პროექტის მიზანია გასტრონომიული ტურიზმის ხელშეწყობა და ადგილობრივი მეწარმეების მხარდაჭერა.