ცნობაგეკა გელაძე, საქართველოს შინაგან საქმეთა სამინისტრო-ს ხელმძღვანელი, სტრატეგიული მილსადენების დაცვის დეპარტამენტს, საქართველოს სასაზღვრო პოლიცია-ს სტრუქტურულ დანაყოფებსა და საექსპერტო-კრიმინალისტიკური დეპარტამენტი-ს კინოლოგიის სამსახურს ეწვია. მინისტრი თანამშრომლებს შეხვდა და მიმდინარე ინფრასტრუქტურულ პროექტებს გაეცნო.
მინისტრს სტრატეგიული მილსადენების დაცვის დეპარტამენტის დირექტორმა, ზურაბ ჭაბაშვილი, სტრატეგიული ობიექტების დაცვისა და მათი უსაფრთხოების უზრუნველყოფის კუთხით განხორციელებული სამუშაოების შესახებ დეტალური ინფორმაცია წარუდგინა.
გელაძემ სამინისტროს პრიორიტეტულ მიმართულებებზეც ისაუბრა და ყურადღება გაამახვილა სტრატეგიულ ობიექტებზე სამართალდარღვევათა პრევენციისა და აღკვეთის მიზნით პრევენციული ღონისძიებების განხორციელების მნიშვნელობაზე.
შინაგან საქმეთა მინისტრი ასევე იმყოფებოდა სასაზღვრო პოლიციის კინოლოგიის სამმართველოში, სადაც ახლად გარემონტებული შენობა და თანამშრომელთა სამუშაო სივრცეები დაათვალიერა.
ვიზიტის ფარგლებში მინისტრი ეწვია საექსპერტო-კრიმინალისტიკური დეპარტამენტის კინოლოგიის სამსახურსაც, სადაც ადგილზე გაეცნო ინფრასტრუქტურულ პროექტს. პროექტის ფარგლებში მიმდინარეობს ვოლიერების სარემონტო სამუშაოები და მიმდებარე ტერიტორიის კეთილმოწყობა.
სამინისტროს სტრუქტურულ დანაყოფებში გეკა გელაძესთან ერთად იმყოფებოდნენ მინისტრის მოადგილეები – მარიამ ტაბატაძე და შალვა თადუმაძე.