ნიკა გვარამია: ვხედავთ, რომ ოცნება ნელ-ნელა ბარტყების გადმოგდებას იწყებს. ახლა ვიღაცებს დაიჭერენ ამ რეკომენდაციების გამო, მე ასე მგონია — Cnoba

“ვხედავთ, რომ ოცნება ნელ-ნელა ბარტყების გადმოგდებას იწყებს. მცირე ბარტყებით დაიწყო – დებატებით, რომელიც საბოლოო ჯამში დებატებიც არ არის. ახლა ვიღაცებს დაიჭერენ ამ რეკომენდაციების გამო, მე ასე მგონია. რამდენიმე საქმეს აღძრავენ ამ დარბევებზე, წამებებსა და დაიწყებენ ქვემოდან, მაგრამ ნელ-ნელა ზემოთ ავლენ. თვითონ შეიძლება გვითხრან, რომ გამოიძიეს და მაგალითად “ხარება” წამებაში მონაწილეობდა და დაიჭირონ. ჩვენ კარგად ვიცით, ეს როგორ და სად წყდებოდა. ამ კითხვებზე პასუხები არ გვეჩქარება, ისედაც ვიცით და შემდეგი ხელისუფლება პასუხისმგებლობას დააყენებს. მთავარი, რაც კობახიძემ უნდა გააკეთოს, არალეგიტიმური ხელისუფლება საკუთარი ჩათვლით მოშორდეს ამ ქვეყანას და ჩაინიშნოს დემოკრატიული არჩევნები” | ამბობს კოალიცია ცვლილებისთვის ლიდერი ნიკა გვარამია TV პირველთან და ეუთოს მოსკოვის მექანიზმის კრიტიკულ ანგარიშთან დაკავშირებით კობახიძის განცხადებას ეხმაურება, რომელმაც თქვა: “მინდა აღვნიშნო, რომ ამ დასკვნაში წარმოდგენილია კონკრეტული ინფორმაცია და რეკომენდაციები, რომლებიც შეესაბამება სინამდვილეს და რომელთა გათვალისწინებაც არის აუცილებელი. ასეთი ჩანაწერებიც არის ამ დასკვნაში, თუმცა მთლიანობაში ამაზე დეტალურ ინფორმაციას წარვუდგენთ საზოგადოებას, ჩვენ ალბათ სპეციალურ ბრიფინგსაც მივუძღვნით ამ თემას”