“ზეთისცხება ჩავუტარეთ და, აი, ღმერთზე ვართ მინდობილები” – შალვა კეკელია — Cnoba

მამა შალვა კეკელიამ პატრიარქის ჯანმრთელობის მდგომარეობაზე საუბრისას განაცხადა.
ყველამ ერთად უნდა ვილოცოთ, ჩვენი პატრიარქი არის ჩვენი ქვეყნის ძალიან დიდი იმედი, ეპოქალური ადამიანი და მთელი ქვეყანა, რაც გვაქვს ეს მართლმადიდებლობა, და რაც ჩვენს ქვეყანაშია, მისი შექმნილია, მისი გაზრდილები ვართ ყველანი… თითოეული ჩვენთაგანი, ჩვენ ყველა ვალდებულები ვართ, მისთვის ვილოცოთ, დანარჩენი ღვთის ხელშია ყველაფერი და ღმერთის განგებულებაშია…
ჩვენ ვიყავით, ზეთისცხება ჩავუტარეთ და ღვთის მადლით, აი, ღმერთზე ვართ მინდობილები. ღვთის მადლით, ჯერ სტაბილურად კრიტიკული მდგომარეობაა, ვერაფერს ვერ ვიტყვით ჯერ.