მარნეულის „არმაზის“ 18-მა აღსაზრდელმა მონაწილეობა მიიღო საქართველოს რაგბის კავშირის მიერ ორგანიზებულ მორაგბე გოგონათა ფესტივალში, რომელიც 2026 წლის 4 აპრილს თბილისში, საქართველოს ნაკრების ბაზაზე გაიმართა. ფესტივალში მონაწილეობდა დაახლოებით 100-მდე სპორტსმენი საქართველოს სხვადასხვა ასაკობრივი გოგონათა გუნდებიდან.
ღონისძიების ფარგლებში მარნეულელი გოგონებიდან რამდენიმე პერსპექტიული მოთამაშე გამოიკვეთა, რომლებმაც სხვადასხვა გუნდისა და ასაკობრივი ნაკრების მწვრთნელების ყურადღება მიიპყრეს.
მარნეულის „არმაზის“ გოგონათა გუნდი ვარჯიშობს სოფელ შულავერში, სკოლის მიმდებარე ხელოვნურსაფარიან მოედანზე. ვარჯიშები ტარდება კვირაში სამჯერ – ორშაბათს, ოთხშაბათსა და პარასკევს, 16:00 საათზე.
აღსანიშნავია, რომ მარნეულელი მორაგბეების მონაწილეობა მსგავს ფესტივალებში მომავალშიც გაგრძელდება როგორც თბილისში, ასევე მარნეულში, რაც ხელს შეუწყობს მათ გამოცდილების გაზრდას, სპორტული ფორმის გაუმჯობესებასა და რაგბის პოპულარიზაციას რეგიონში.