მაკა ბოჭორიშვილი ანდრეი სიბიგას შეხვდა

საქართველოს საგარეო საქმეთა მინისტრი, მაკა ბოჭორიშვილი ევროპის საბჭოს მინისტრთა კომიტეტის მინისტერიალის სხდომაზე უკრაინელ კოლეგას ანდრეი სიბიგას შეხვდა. ამის შესახებ სიბიგა სოციალურ ქსელში წერს. მისი განმარტებით, საუბარი უკრაინის პრეზიდენტ ვოლოდიმირ ზელენსკის და საქართველოს პრემიერ-მინისტრ ირაკლი კობახიძეს შორის ევროპის პოლიტიკური საზოგადოების სამიტის ფარგლებში გამართული ბოლოდროინდელი დიალოგის პირდაპირი გაგრძელება იყო. „განვიხილეთ ფართო ორმხრივი დღის წესრიგი, ჩვენი თანამშრომლობა საერთაშორისო ორგანიზაციებში, კერძოდ, სუამ-ში, და უახლესი პოლიტიკური დინამიკა საერთო ღირებულებებზე დაფუძნებულ სივრცეში ევროპიდან სამხრეთ კავკასიამდე. ვაგრძელებთ გამჭვირვალე, პრაგმატული და კონსტრუქციული უკრაინულ-ქართულ დიალოგის განვითარებას“, – წერს სიბიგა. The post მაკა ბოჭორიშვილი ანდრეი სიბიგას შეხვდა appeared first on მედიაცენტრი მთავარი - MTAVARI.