აშშ-მა ირანის პორტებისა და სანაპირო ზოლების ბლოკადა შეწყვიტა. ამის შესახებ განცხადებას აშშ-ის ცენტრალური სარდლობა სოციალურ ქსელში ავრცელებს.
“დღეს აშშ-ის ძალებმა, პრეზიდენტის განკარგულების შესაბამისად, მოხსნეს ირანის პორტებსა და სანაპირო ზოლებში შემავალი და გამავალი ყველანაირი საზღვაო მიმოსვლის ბლოკადა.
ამერიკული ძალები არ უშლიან ხელს გემების ტრანზიტს ირანის პორტებში ან პორტებიდან.
აშშ-ის სამხედრო ბლოკადის აღსრულების ყველა ძალისხმევა შეწყდა. ჩვენი შესანიშნავი საზღვაო ხომალდები დარჩებიან საერთო არეალში, რათა უზრუნველყონ შეთანხმების ყველა ასპექტის სრული ძალითა და ეფექტურობით დაცვა და შესრულება”, – ნათქვამია განცხადებაში.